నే వేసే అడుగు లోన జాడలన్ని నాన్నవిలే
నే చేసే పనులలోన ముద్రలన్ని నాన్నవిలే

నాన్న లాగ బ్రతకాలని చేతకాని పిచ్చి ఆశ
నే నడిచే బాటలోన నీడలన్ని నాన్నవిలే

తనుసత్యం తనుధర్మం తనున్యాయం ఏమైనా
తనవారే పరులు అయిన బాధలన్ని నాన్నవిలే

తనకంటూ ఉంచుకోక తనకోసం దాచుకోక
అంతా తన వారనుకును ఆశలన్ని నాన్నవిలే

బ్రతుకంటె మంచి పంచు నలుగురినీ పలకరించు
పరహితమే తనబ్రతుకను ధ్యాసలన్ని నాన్నవిలే

ఆతండ్రికి కొడుకు కదా ఆగుణములు శ్రీ కెరుకే
అర్ధించిన ఆదరించు బాసలన్ని నాన్నవిలే

... శ్రీ నివాస్